عَ شَطْ النِيلْ | روحٌ حالمة

ومن بعد كل ضيقٍ فرجاْ

نوفمبر 22, 2012

dreamer3faf فَضفَضةُ القَلَمْ, عَ شَطْ النِيلْ مرسي, مصر, روحٌ حالمةْ, عفآفْ, غزة أضف تعليق

عشن نعرف بجد أد ايه ربنا رحيم بعباده ..

قلبوا الذاكرة كدا وافتركو من يومين بس كانت حالتنا ازاي ؟!!
قصف ف غزة ، ومأساة في أسيوط ..

واتاملوا حالنا انهردة .. انتصر للمقاومة وفرض الهدنة على الإحتلال وأفراح في ربوع غزة 🙂
ومرسي يطلعلنا بقرارات جامدة جدا ويثلج صدورنا فعلاً بقرار “اعادة المحاكمات” دا بالذات ..
وشال “النائب العام” اللي كان زي القدر متبت ف المنصب ..

ربي لك الحمد كما ينبغي لجلال وجهك ولعظيم سلطانكــ<3
وربنا يديم علينا الفرحة والهدوء وراحة البال 🙂

*عفآفْ~
~ روحٌ حالمةْْ

قطر الموت | حقيقة واقعية في أسيوط !

نوفمبر 18, 2012

dreamer3faf فَضفَضةُ القَلَمْ, عَ شَطْ النِيلْ dreamer 3faf, قطار, قطر, مدرسة, مصر, أزهر, أطفال, اسيوط, برائة, حادثة, عفآفْ أضف تعليق

قطر الموت ..
المصطلح دا لما كان بيتذكر ، كان بيمثل في أذهان الناس قطر الموت اللي فـ “دريم بارك” اللي الناس بتقعد تتحدى بعض وتفرد عضلاتها وشجاعتها ع بعض بيها .
كل واحد فاكر نفسه قلبه جامد ويتحدى الصعاب ، ويتحدى الموت ، يفتخر بينفسه ويقول ” يااااه أنا بعشق قطر الموت ، اما انتو جبناء وخوافين 😛 “

لكن ما حدش كان يتخيل ف يوم ان “قطر الموت” دا يطلع حاجة حقيقية بجد ، واسم على مسمى فعلاً ، وان اللي بيدخله لازم يكون فعلاً قد التحدي ، ومش ماوي ع طلوع تاني .
لأول مرة نشوف فعلاً “قطر الموت” ، ومش بس كدا ، لأ دا نحسه كمان ، ونصدقه أوي ونفهم معناه !

بيقولك : كان في طفل صاحي من النوم ، صلى الصبح وفطر ، باس على ايد مامته وقالها “أنا بحبك أد السماء وأد الدنيا دي كلها” ❤
طلع يجري وكله حماس للعلم واللعب والقرآن ..
ركب الاوتوبيس ، شاف اصحابه وسلم عليهم ، واتفقوا هيعملوا ايه انهردة ف المدرسة ، ف حصة الألعاب وف الفسحة ، واتفقوا يروحوا سوا كمان !

وع الكرسي اللي جنبه بنوتة جميلة ، عملت نفس الحاجات دي بالظبط
وحواليهم ، وقدامهم ووراهم بنات وأولاد كتير في عزّ برائتهم وجمالهم وطهارتهم .. وكلهم راكبين سوا ، ومبسوطين سوا ، ومتحمسين للحياة.

على طرف الطريق ، كان في واحد عجوز ,, نايم وتعبان ، قام يريح شوية من كتر التعب جوا “الدشمة” بتاعته ..

وجاي من بعيد .. بسرعة مش عادية قطر كبيييير ، اللي الأطفال بيخافو بس من مجرد صفارته !
وفجاة كل الحاجات دي اتجمعت ف مكان واحد ووقت واحد ولحظة وحدة ، وبإرادة رب واحد !
– كلهم ؟!
– آه كلهم ، الا الغفير النايم ..
– طب ليه ؟؟ اشمعن هو ؟؟

– هو كدا .. عشن هو كدا ، عشن مكتوب ع البرائة هي اللي تروح ، والمهمل هو اللي يفضل ، وكمان يتهرب ويتنصل من دم الـ….
قصدي من كل الدم الكتير اللي مغرق الكراريس والمصاحف ، الشنط والكتب والمرايل ..

ومن بعيييييييييد أم وأب ، جايين بيجرو ، وشايفين أرواح الملايكة دي بترفرف لفوق ، للجنة .. أصلهم ما يستاهلوش يقعدوا هنا وسطينا ..

انا عارفة ان دي هلاوس ، وكلمات ركيكة جداً
بس ايدي اتكسفت المدونة تبقى فاضية ف الوقت دا بالذات !
وقالت ان فضفضة م القلب ملخبطة ، أحسن من ولا حاجة !

عفآفْ~
روحٌ حآلمةْ~

احتفالية اكتوبر السنة دي .. غير

أكتوبر 6, 2012

dreamer3faf فَضفَضةُ القَلَمْ, عَ شَطْ النِيلْ أضف تعليق

نصر اكتوبر دا فعلاً .. كان نعمة وفضل من ربنا سبحانه وتعالى
وانه قوى الجيش انه يستحمل كل الصعاب دي .. ويلهمهم الصبر والأفكار والتخطيط لاجتياز بارليف ..

حاجة حجاة فعلاً زي المعجزة كدا
حرب اكتوبر دي بجد .. كانت صعبة جداً .. والجيش تعب فيها أوي

بجد انا كل ما باتفرج ع البانوراما .. باحس اني خلاص هاعيط من الفرحة ومن السعادة بالنصر والإنجاز الكبير دا .. بجد
وبالزات تحطيم خط بارليف !! بجد حاجة عجيبة وغريبة ، ازاي فكرو يهدوه بالمياه وازاي فعلاً قدرو يعملو كدا وف الوقت المناسب !

الحمد لله ثم الحمد لله ❤

والأجيال اللي طالعة دلوقتي محتاجين فعلاً يحسو بدا .. يحسو فعلا يعني ايه “نصر اكتوبر” واد ايه دا انجاز كبير وكان نصر بحق ..
محتاجين يقروا ويسمعو ويتفرجو ع البانوراما .. عشن يقدرو قيمة النصر دا ..

والأجمل بقى ..المشهد ف الاستاد توووحفة أوي ^_^
الناس من عامة الشعب حاضرين ..وقاعدين يهتفوا ويهللو ..
والوزراء ورجال الدولة .. بيدخلو كدا ع الناس وهي قاعدة مستنياهم ..
والريس مش لابس كرافتة .. منتهى البساطة 🙂
وهيوقف ف قلب الملعب وقدام الاعداد دي كلها ويلقي كلمته ومش خايف من حاجة .. بالعكس مبسوط بالحب والتكاتف الموجود ما بين رجال الدولة & والجيش & الشعب

عمرنا ما كونا بنشوف كدا قبل كدا ..
كانو ع طول بيستفوهم ف الكراسي ويظبطوهم ، وكل واحد فيهم عاصر على نفسه لمونة وخايف ع نفسه وهو قاعد لأحسن حد ينشه 😛

بجد .. مصر اتغيرت يا رجالة 🙂
واحتفالية اكتوبر السنة دي غير
🙂

يارب ديماً فرحنا واكتبلنا النصر في كل وقت ❤

وقفةاحتجاجية على تعذيب المسلمين في بورما

جوان 28, 2012

dreamer3faf عَ شَطْ النِيلْ 6ابريل, لا لقتل المسلمين, ميانمار, القاهرة, المسلمين, الاخوان, السفارة, بورما, روح حالمة, عفاف 2 تعليقان

حسبنا الله ونعم الوكيل ف الظلم والظالمين
الحكومة البوذية في اراكان, ميانمار, باناما تقتل المسلمين وتحرق منازلهم وقراهم بمن فيها بالكامل .. وفاة 200مسلم واصابة 500 في يوم واحد من التعذيب والقتل !!!!!

حسبي الله ونعم الوكيل

يارب ارحمهم وكن معاهم يارب

والشباب انهردة نظمو وقفة احتجاجية امام السفارة اعترضا على قتل المسلمين وطلبا لوقف التعذيب هناك وطرد سفيرهم في مصر .. الوقفة كانت الساعة5بعد العصر .. وشارك فيها الاخوان ، 6ابريل وغيرهم من الشباب المصري اللي بيؤمن بحق الانسان وحرية العبادة والعقيدة.
وصلوا المغرب قدام السفارة في منظر يشرح الصدر .

لازم يا جماعة ما ننساهومش من دعواتنا أبداً .. ولازم ننشر الخبر والأحداث عشن التعتيم الإعلامي والخرس الحقوقي اللي في العالم دا .. احنا لازم نقوم بدورنا .. لازم يا جماعةلازم .

جانب من الوقفة :